Trajneri shqiptar, Besnik Hasi ia ka dalë të fitojë me sukses gjyqin me ish-skuadrën e tij greke, Olimpiakosin për ndërprerjen e njëanshme të kontratës.
Tashmë Hasi është i lirë t’i bashkohet çdo klubi që dëshiron. Ai drejtoi për pak më shumë se tre muaj skuadrën e Olimpiakosit në vitin 2017, por u shkarkua nga klubi grek.
Hasi ka kërkuar të paguhej nga klubi grek deri në fund, sipas kontratës dhe ka arritur të fitojë gjyqin me ta.
Tashmë, trajneri shqiptar jo vetëm që do dëmshpërblehet, por edhe do shkëputet përfundimisht nga Olimpiakosi, pasi ekzistonte një mundësi që ai të qëndronte si i punësuar i klubit deri në mbyllje të afatit të kontratës.
Tani ai është gati për aventurën e re, ndërkohë që sipas mediave belge, klubet e St. Truidense dhe Vasland-Beveren janë të interesuara për t’i besuar drejtimin e ekipit.