Futbollisti brazilan, Alison Beker është portieri më i shtrenjtë në botë. Ai u transferua nga Roma për te Liverpuli për 75 mln euro duke thyer rekordin.
Pas firmës, ai ka treguar edhe një histori shumë të veçantë nga jeta e tij. As ai vetë nuk e ka besuar kurrë se do bëhej ky që ishte sot.
Aalison Liverpulit ka qenë shumë i shkurtër kur ishte i vogël, por një zgjatje e shpejtë e ndihmoi të arrinte në nivele kaq të larta.
Ai rrëfen:
Kisha një problem kur isha adoleshent. Isha një shkurtabiq. Fizikisht u maturova vonë, dhe të gjithë portierët në moshën time ishin më të gjatë dhe më të fuqishëm se unë. Një portier duhet të jetë i gjatë që të kërcejë. Kisha shumë dyshime për veten. Më pas, erdhi koha për Kupën Nike, kompeticion për 14-15 vjeçarë. Por nuk luajta. Dhe sinqerisht, mendova ta lë fare.
Doja të isha si legjendat Kasijas dhe Bufon, që kishin debutuar që 17 vjeç. Por, ata më pritën edhe një sezon tjetër, dhe mendoja se Zoti ishte me mua. Teknika ime u përmirësua shpejt. Më pas ndodhi diçka fantastike, unë më në fund fillova të rritem. Në një vit, shkova nga 170 cm në 187 centimetra. Edhe fiziku filloi të më rritej. Ndoshta, ky ka qenë plani i Zotit për mua”.