Dita e katërt, bllokuar nën tokë/ Bulqizë, ende pa sukses kërkimet për minatorin e bllokuar në galeri
Kanë kaluar 4 ditë që minatori Muharrem Plaku është i bllokuar brenda galerisë së kromit në Bulqizë, aty ku punonte prej 8 vitesh.
Kërkimi për gjetjen e 60 vjeçarit vazhdojnë nga ekipi i inspektim shpëtimit të minierave por me ritme të ngadalta dhe me mjete punë elementare. Minatorët e Bulqizës që kërkojnë shokun e tyre nuk kanë asnjë mjet tjetër vec lopatave dhe vagonëve si karroca dore.
Me kalimin e orëve ndërhyrja brenda minierës vështirësohet dhe shpresat për të gjetur minatorin 60 vjeçar pakësohen.
Zv.ministri i infrastrukturës dhe Energjitikës Ilir Bejtja deklaron se është ngritur një grup hetimor për të verifikuar shkaqet e ngjarjes, ndërsa kanë krijuar dyshimet e para se si ka ndodhur aksidenti.
Top Channel
