“E hëna blu”...

[Lina]

“E hëna blu”, si lindi dhe dyshimet për ditën më të trishtueshme të vitit​

E hëna e tretë e janarit, e cila këtë vit është data 17, njihet ndërkombëtarisht si “E Hëna Blu”, dita më e trishtë e vitit për banorët e hemisferës veriore.

Shfaqja lindi në vitin 2005 nga një llogaritje matematikore nga Dr. Cliff Arnall, një psikolog në Universitetin e Cardiff-it, i cili kaloi disa variabla si moti, ndjenjat e fajit për paratë e shpenzuara në festat e fundvitit dhe rënia e motivimit pas pushimeve. Megjithatë, disa shkencëtarë e kanë quajtur formulën e Arnall-it si “farsë dhe joshkencore”. Le të shohim pse.

Në një artikull të botuar në “Guardia”n qysh në vitin 2012, neuroshkencëtari Dean Burnett e quajti formulën e Arnall “qesharake” sepse variablat janë “arbitrarë, të pamundur për t’u matur dhe kryesisht të papajtueshëm mes tyre”.

Për më tepër, llogaritja e Arnall do të lindte nga një bashkëpunim me kompaninë e udhëtimeve Sky Travel, e cila përdori formulën për një fushatë reklamuese.

Mirëpo, pavarësisht dyshimeve që e shoqërojnë prej vitesh, “E Hëna Blu” është kthyer në traditë aq sa çdo të tretën të hënë të janarit hashtag-u qarkullon në rrjetet sociale, ndërsa në faqe ekspertët japin këshilla se si ta trajtoni atë.

"Balkanweb"

 

[Lina]

“E hëna blu”, çfarë duhet të bëni për të shmangur ditën më të trishtuar të vitit​

Nëse të gjithë kanë menduar se është thjesht dhe vetëm një e hënë e zakonshme, në fakt jo. Nuk është klishe dhe këtë e pranon edhe psikologjia.
Kjo e hënë është zyrtarisht dita më depresive e vitit. Mos kërkoni më shumë arsye më shumë për të justifikuar “mjerimin” këtë janar – nesër merrni përgjigje.

E quajtur “E hëna blu”, e hëna e tretë e janarit mendohet se është një nga ditët kur njerëzit janë më të trishtuar dhe më pesimistë se çdo ditë tjetër të vitit. Për të flitet prej disa vitesh dhe, nga sa është kuptuar, “e hëna blu” nuk është më thjesht një “hashtag”, por rezultat i një formule aktuale të menduar mirë nga një psikolog.

“E hëna blu” supozohet se është dita më monotone, më e mërzitshme dhe më e mjerueshme e vitit. Sipas formulës, “e hëna blu” bie në të hënën e tretë pas Vitit të Ri. Këtë vit, “e hëna blu” është kjo e 17 janarit.

Psikologët shpjegojnë se formula merr parasysh kushtet e motit, borxhet, kalimin e festave, Krishtlindjeve dhe Vitit të Ri, por edhe nivelet e ulëta të motivimit.

Ngjyrat e festave janë zëvendësuar nga mëngjeset e hershme, moti gri dhe sfidat e reja, diçka që bën që shumëkush të stërmundohet për të mbetur produktiv dhe pozitiv. Ditët bëhen më të shkurtra e më të errëta, ndërsa zgjimi më i hershëm. Energjia nis e mungon, por të gjitha këto janë të kapërcyeshme.

Megjithatë, studiuesit pranojnë se nuk ka asnjë të vërtetë shkencore tek “e hëna blu”, por bëhet fjalë për një akumulim faktorësh të jashtëm, të ndryshëm, në janar, që lehtësisht prekin edhe humorin.

Po çfarë duhet të bësh për të shmangur ditën më të trishtë të vitit?

Për të evituar përjetimin e “së hënës blu” ka edhe disa këshilla:

1- Vendosni në tryezë shumë perime,
2- Merrni sa më shumë vitaminë D,
3- Qëndroni aktivë,
4- Bëni shëtitje në natyrë,
5- Mos refuzoni marrëdhëniet seksuale.

"Balkanweb"

 

[Pepsi]

@Ela92 ke lidhje me kte ti?