Të paktën 6 nxënës janë ndjerë keq gjatë një ore mësimi në laboratorin e Shkollës së Mesme të përgjithshme Janaq Kilica në Fier.
Nxënësit dolën nga klasa për shkak të resë së tymit të krijuar gjatë një eksperimenti në orën e biologjisë. Sipas policisë ata kishin kollë dhe vështirësi në frymëmarrje.
3 prej tyre dhe një sanitare e shkollës janë dërguar me urgjencë në spitalin e Fierit.
Mjeku Lulzim Banushaj thotë se ata janë jashtë rrezikut për jetën dhe se nuk duken shenja të helmimit të rëndë.
Por si mjeku ashtu dhe policia nuk janë në gjendje për momentin të përcaktojnë shkakun.
Policia ka nisur hetimet.
