Fitore e hidhur ajo e Bayernit në premierën e Bundesligës ndaj Hoffenheimit.
Talenti francez Kingsley Coman u detyrua të braktiste fushën mes lotësh në minutën e 44-t pas një ndërhyrjeje të rëndë të mbrojtësit kundërshtar Nico Schulz dhe lajmet e para që vijnë nga infermieria bavareze nuk janë optimiste.
22-vjeçari ka dëmtuar ligamentet e të njëjtës kavilje, që e detyroi që të humbiste Botërorin me Francën.
Ish-futbollisti i Juventusin rrezikon të mungojë për një periudhë të gjatë, ndoshta vë në diskutim edhe sezonin, gjithsesi diagnoza e saktë do të jepet pas ekzaminimeve më të thelluara.
Coman, teksa dilte nga fusha i ndihmuar nga pjesëtarët e stafit mjekësor, as guxonte të mbështeste këmbën në tokë, transmeton “SS”.
Pas ndeshjes, trajneri i Bayernit, Nico Kovac, u shfaq i trishtuar për dëmtimin e sulmuesit të ri, duke theksuar se gjendja nuk lë shumë vend për optimizëm.