Kadri Roshi

[Lina]

Kadri Roshi​

Aktor i madh shqiptar

Kadri Roshi (Ballsh, 4 janar 1924 - Tiranë, 6 shkurt 2007) ka qenë një aktor shqiptar.

Biografia​

Lindi më 4 janar 1924 në Ballsh të Mallakastrës, i biri i Maksut dhe Sabrie Roshit, me prejardhje nga Libohova. E ëma i vdiq kur ishte 2 vjeç dhe më pas kur ishte 12 vjeç i vdiq edhe i ati[1].
Përfundoi studimet e larta në Pragë në vitin 1951. Ai, e filloi karrierën e tij si aktor në Teatrin Popullor në moshën 21-vjeçare duke qenë një ndër krijuesit e këtij teatri. Që nga ajo kohë dhe deri sot ai numëron rreth 180 role në skenë dhe kinematografi, të cilat përbëjnë një jetë të madhe artistike, ku ndërthuren vështirësitë e një jete prej jetimi, çiraku, portieri kinemaje dhe deri tek aktori origjinal me portretin e njeriut të fisëm. Në krah ka pasur gjatë gjithë kohës aktorët e brezit të tij Drita Pelingu, Violeta Manushi, Tinka Kurti, Reshat Arbana, Marika Kallamata, etj.

Legjenda e skenës​

Nga shumëkush është konsideruar si legjenda e skenës dhe ekranit shqiptar. Ai ka qënë një aktor brilant dhe me një talent të lindur. Në vitin 1995 është nderuar me Çmimin e Karrierës në Festivalin e Filmit Artistik, në vitin 1997 me Çmimin e Madh të Nderit. Ai është "Nderi i Kombit" nga viti 1999. Emri i Kadri Roshit është një kolos për filmin dhe teatrin shqiptar, ku ai la figura të spikatura që nuk do të harrohen kurrë.

Filmografia​

Kadri Roshi me Presidentin Alfred Moisiu.

• Kolonel Bunker (1998)
• Kaskadori shqiptar (1998)
• Mirupafshim (1997)
• Ali Pash Tepelena (1997) dokumentar, por i pazbuluar, shfaqet ne 28 shkurt 2009, dy vjet pas vdekjes
• Tingujt e harresës (1996)
• Plumbi prej plasteline (1995)
• Mikres mèrès - Ditët e shkurtra (1995)
• Një ditë nga një jetë (1994)
• Dhelpra dhe rrushte - Ezopi... teatër
• Vdekja e burrit (1991)
• Fletë të bardha (1990)
• Misioni përtej detit (1988), Miço varfanjaku
• Pesha e kohës (1988), Kryetari
• Rikonstruksioni (1988), Profesori
• Kur ndahesh nga shokët (1986)..Islami
• Rrethimi i vogël (1986), xha Zenuni
• Dasma e shtyrë (1984), Groshi
• Fejesa e Blertës (1984), Uani
• Apasionata (1983), Shoku Demosten
• Era e ngrohtë e thellësive (1982), Brigadier Rakipi
• Dëshmorët e monumenteve (1980), Jani
• Partizani i vogël Velo (1980), Bariu
• Ballë për ballë (1979), Belul Gjenomadhi
• Këshilltarët (1979), Kryetari i Këshillit
• Liri a vdekje (1979), Xha Hyseni
• Gjeneral gramafoni (1978), Parandili
• Njeriu me top (1977), Plaku Mere
• Shëmbja e idhujve (1977), Cubi
• Zemrat që nuk plaken (1977), Mësuesi në pension
• Fije që priten (1976), Marko Rovina
• Lulekuqet mbi mure (1976), Kujdestari
• Përballimi (1976) Neziri, Kulaku
• Tokë e përgjakur (1976), Xha Aliu, Mullixhiu
• Kur zbardhi një ditë (1971)
• Malet me blerim mbuluar (1971), Safa Ymeri
• I teti ne bronz (1970), Ademi
• TFurtuna (1959), Oficeri italian
• Tana (1958), Lefteri