Kalojnë qindra emigrantë çdo ditë, Lituania fillon ndërtimin e murit me tela në kufirin me Bjellorusinë
Lituania ka filluar ndërtimin e një barriere me tela me gjemba prej 550 km (320 milje) në kufirin e saj me Bjellorusinë.
Ky veprim vjen menjëherë pasi Lituania akuzoi ditën e sotme autoritetet Bjelloruse për fluks të madh emigrantësh nga jashtë të cilët kërkojnë të kalojnë në mënyrë të paligjshme në Bashkimin Evropian.
Qeveria tha se mbështjellja me tela e stilit ushtarak do të kushtonte 4.9 milion euro për të vendosur dhe drejtuar përgjatë pjesës më të madhe të kufirit, e cila kalon nëpër zona me pak popullsi dhe pjesë të mëdha të pyjeve dhe kënetave.
“Në një datë të mëvonshme, barriera do të përforcohet me një gardh kufiri të lartë dy metra në krye me tel brisk, i cili do të kushtojë 41 milion euro”-tha ministria e brendshme.
Ditë më parë Bjellorusia tha se po planifikon ndërtimin e barrierave përgjatë të gjithë kufirit me Bjellorusinë dhe do të vendosë trupa për të parandaluar emigrantët që të kalojnë në mënyrë të paligjshme në territorin e saj.
Qindra emigrantë kanë kaluar nga Bjellorusia ditët e fundit, shumica e tyre shtetas irakianë. Bjellorusia në maj vendosi të lejojë emigrantët të hyjnë në Lituani në shenjë hakmarrje për sanksionet e vendosura nga blloku pasi Minsk detyroi një fluturim Ryanair të ulej në tokën e tij dhe arrestoi një bloger disident i cili ishte në bord.
Balkanweb"
