Kushtuar prindërve të larguar në këtë kohë pandemije

[Lina]

Kushtuar prindërve të larguar në këtë kohë pandemije

Gjirin me gjumësht blete,
Lotin tretur në mërgim,
Aroma jote s'më ngopi,
Tani s'thahet loti im,

Ike me shpirt të lënduar,
Zërin, syrin nuk ma pe,
Dhe atje rri e vajtuar,
Nuk të hodha një dorë dhe,

Nënë moj nënë ku të gjej,
Të kërkoj çdo natë në ëndërr,
Ike sy i pa mbyllur,
Dojë të më shihje dhëndërr,

Emigrim qofsh i mallkuar,
Në të mirë e në te keq,
Zemrat tona pa qetësuar,
Njëra qan e tjetra heq,

Ti moj dorë e fshehtë tinzare,
Të gjorët për jetë na ndave,
Nëna shkoj me buzë të tharë,
Syri im mbeti pa parë.


Alma Ahmeti