Me një gjatësi rreth 60 centimetra, asistenti autonom ‘’Keeko’’ po përdoret tashmë në 600 shkolla të ciklit parashkollor në Kinë. Ai tregon histori dhe u ofron fëmijëve ushtrime logjike.
Roboti i bardhë dhe topolak, pa krahë lëviz me ndihmën e rrotave të vogla. Kamerat e integruara në pjesën e brendshme të robotit i shërbejnë për orientim dhe i mundësojnë gjithashtu fëmijëve për të regjistruar video.
Në Kinë, robotët shërbejnë tashmë për dorëzimin në shtëpi të pazareve, shoqërojnë personat e moshuar, apo të vënë në dijeni për ligjet. Projektuesit e firmës ‘’Keeko’’ kanë si objektiv për të rritur numrin e asistentëve nëpër klasa.
Në kopshtin Yiswind, në periferi të Pekinit, fëmijët dëgjojnë me vëmendje mësuesin e shkurtër android i cili rrëfen me një zë fëminor, historinë e një princi të humbur në shkretëtirë.
Misioni i tyre, rikompozimi me format e vendosura në dysheme gjithë itinerarin e ndjekur nga personazhi i tregimit duke e demonstruar në ekranin e robotit. Në çdo përgjigje të saktë, ”Keeko” reagon me entuziazëm, ndërsa në ekran shfaqen tek pjesa e syve zemra të kuqe.
The post Në këtë vend të botës robotët u japin mësim fëmijëve appeared first on Lajmi i Fundit.