Pas një periudhe të mbushur me zhgënjime në ndeshjet miqësore dhe një lumë kritikash ndaj punës së tij, më në fund Panucci ka parë një skuadër fituese në fushë, në ndeshjen e parë të rëndësishme të tij.
Kur e kuptuat që eksperimentet nuk funksiononin dhe u rikthyet te garda e vjetër?
Më vjen habi që sforcoheni shumë për të kuptuar gjërat. Ju kam thënë gjithmonë se do të provoja shumë lojtarë në miqësore, për të arritur në këtë fazë, me nëj bazë të gjerë zgjedhjesh dhe për të marrë më të mirët.
I kënaqur me vendimin që zgjodhët Strakoshën?
Nuk kam pasur asnjë diskutim për këtë zgjedhje, pasi Strakosha ka qenë në një formë mjaft të mirë dhe ka luajtur rregullisht. Por në portë nuk kam shqetësim, pasi kushdo që mudn të luajë, më ofron garanci maksimale.
Çfarë duhet të ndryshoni për transfertën ndaj Skocisë?
Duhet të përmirësohemi në daljet me topin, pasi në pjesën e parë gabuam 4 herë në tentativë për të dalë në sulm dhe më pas rrezikuam të pësonim. Për këtë duhet të punojmë dhe të korrigjohemi, që të mos bëjmë të njëjtat gabime në Skoci.
A jeni i kënaqur me debutuesit Guri. Gavazaj dhe Binaku?
Jam shumë i kënaqur me Binakun, që luajti me mjaft autoritet dhe kujdes. Edhe Guri luajti mjaft mirë, por nuk arritëm ta shërbenim në mënyrën e duhur në zonë, për të krijuar edhe raste shënimi. Gavazaj bëri një ndeshje mjaft të bukur, duke lëvizur shumë, punuar për skuadrën dhe tentuar të krijojë raste për gol. Në total jam shumë i kënaqur.
Pse e zëvendësuat Gurin në përfundim të pjesës së parë?
Sepse nuk po e shërbenim ashtu si duhet dhe nuk po e vinim në kushtet ideale për të luajtur. Mendova të aktivizoj balajn, që është një lojtar që del më shumë nga zona dhe di të përfshihet më shumë në lojën e skuadrës, pasi mënyra e lojës nuk po dukej e duhura për Gurin.
Pas 3 ditësh luajmë në Skoci. Mendoni se mund të fitojmë dhe të synojmë vendin e parë?
Deri para pak ditësh cilësoheshim të mbaruar, ndërsa sot kërkohet vendi i parë. Para dy orësh “më pretë fytin” dhe tani kërkoni vendin e parë. Synimi është që ta mbyllim në vendin e parë në grup, por për këtë duhet të lodhemi dhe djersijmë shumë. Shpresoj që t’ia dalim por duhet t’i marrim ndeshjet me radhë.
The post Panucci: Para ndeshjes “më pretë fytin”, tani kërkoni vendin e parë appeared first on Lajmi i Fundit.
