Welcome to the forum 👋, Guest

To access the forum content and all our services, you must register or log in to the forum. Becoming a member of the forum is completely free.

  • PËRSHËNDETJE VIZITOR!

    Nëse ju shfaqet ky mesazh do të thotë se ju nuk jeni regjistruar akoma. Anëtarët e rregjistruar kanë privilegjin të marrin pjesë në tema të ndryshme si dhe të komunikojnë me anëtarët e tjerë. Bëhu pjesë e forumit Netedy.com duke u REGJISTRUAR këtu ose nëse ke një llogari KYCU. Komunikim alternative i ketij forumi me vajza dhe djem nga te gjithe trevat shqiptare? Hyr ne: CHAT SHQIP.

Paragrafe nga librat..

Elaa

!
ANETAR ✓
Regjistruar më
Gush 1, 2017
Mesazhe
1,289
Rrezet e kuqe të diellit binin shtruar në asfaltin e rrugës duke e nxehur tej masës. Nga temperaturat e larta, asfalti ishte bërë i butë dhe në cepat e pashkelura formonte flluska. Gjatë drekës ato fryheshin dhe më pas plasnin duke çliruar atë afsh të nxehtë me erën karakteristike që është mbytëse për frymëmarrjen… Në mesditë, kjo vapë bëhej e padurueshme, sepse të gjitha poret e trupit përthithnin të nxehtin dhe ajri i tharë pa lagështi vështirësonte frymëmarrjen. Vendosëm me bashkëshortin që këto ditë të nxehta t’i kalonim në qytetin tim bregdetar të lindjes. Sapo arritëm aty, unë si përherë shkova për të psonisur tek magazina e madhe e shoqes time të fëmijërisë. U përqafuam me mall, pasi kishim kohë pa u parë.

Fytyra e saj ovale e bardhë me flokët e zezë krijonin atë kontrast që quhet bukuri. Sytë që dikur ishin te vëmendshëm edhe në lëvizjen më të lehtë, tani ishin bërë disi të hutuar. Përshëndeta bashkëshortin e saj, një njeri trupgjatë me flokë të dendur gështenjë. Në tëmthat kishte fije te bardha thinje, sikur koha i kujtonte që vitet e tij po kalonin. Gjithmonë zotëronte një energji të paparë dhe përherë krijonte një situatë gazmore. Evelina kishte përqendruar shikimin në një pikë, njësoj si të shikonte një shishe ne det, nga ato që ruanin një mesazh të mbyllur dhe valët e merrnin duke e shtyrë gjithnjë e më larg. ”Ç’mendonte vallë..” Papritur u zgjua nga përgjumja dhe u bashkua me batutat e tij, më pas i tha diçka të shoqit, më kapi prej krahu dhe më tha: -Hajde të pimë një kafe së bashku. Pranova me kënaqësi. U ulëm në lokalin më të afërt, dhe unë ia nisa:

– Lina të kujtohet kur ishim të vogla, sa herë kishe diçka që të mundonte, ti vrapoje tek unë dhe të dyja e diskutonim së bashku. Tani të shoh të menduar, ti sikur ke një hall. Më duket sikur më ke thirrur me botën e shpirtit për të më thëne diçka… Lina e befasuar, shkundi gjithë turbullimin e grumbulluar me një psherëtimë të zgjatur dhe tha:
– Eshtë e vërtete ne kemi qenë si motra, por edhe tani megjithëse nuk jemi parë shpesh, unë të konsideroj si të tillë…
– Njësoj të çmoj edhe unë, për më tepër që më bën pjesë në botën tënde, – i thashë unë duke pritur të vazhdonte shpjegimin e pyetjes sime.
– Ti me kuptove menjëherë, – tha ajo – që diçka nuk shkon. Atëherë po të hap ty zemrën, nuk i kam thënë askujt…

Në magazinë rrimë po thuaj nga mëngjesi në darkë. Unë shkëputem me intervale për punët e shtëpisë. Për të lehtësuar punën përdorim kompjuterin. Ti e di që kam mbaruar ekonomikun dhe gjithë hyrjet-daljet e mallit i bëjmë me të. Një ditë hapa faqe në fb dhe në kohën e lirë flisja me shoqet. Një shoqe me prezantoi një kushëririn e saj në fb. E pranova pa dëshirë. Me shumë mirësjellje më tha ”se kishte një biznes të vogël dhe nëse mund të merrte mallra nga magazine jonë”. “Natyrisht“ iu përgjigja. Kur erdhi më vështronte ngultas, vjedhurazi nga burri im, njësoj sikur të hidhte një rrjete të padukshme për të më zënë rob. Kohë pas kohe u mësova ta marr atë shikim, si një shigjetë të ëmbël që më trazonte diçka brenda meje. Më dukej vetja si preja e një magjistari ndjenjash. Zemra më godiste me forcë, njësoj sikur do më kërcente nga kraharori, dhe mjaftonte ta tërhiqte pakëz, unë do të pranoja çdo vuajtje, apo torturë, mjafton të isha bashkë me të. Që nga ai çast fishekzjarrët shpërthenin në qiell, ndërsa ndjenjat shpërthenin brenda meje dhe purpurima e kuqe më degëzohej faqeve, se ndjeja të më digjnin. Buzët e tij mishtore më ngjallnin dëshirë dhe zëri i tij ishte si një instrument që luante vetëm për mua. Në fillim më dukej një njeri i zakonshëm, pastaj portreti i tij m’u ngrit në qiell. Një ditë burri im kishte vajtur të paguante disa fatura. Këtij i ndritën sytë tek më pa vetëm. Doja të fshihja atë ndjenjë të ëmbël që më provonte ai, por orvatja ime ishte e kotë.

I thashë punëtorit tim të ngarkonte artikujt që bleu ai në makinën e tij dhe u tërhoqa për të bërë llogarinë. Ai më erdhi pas në zyrë dhe më tha “Edhe sikur t’i bija kryq e tërthor botës, nuk do gjeja lule më të bukur nga ty për ta kundruar. Je si lulja në mes të shkëmbit të greminës. Kam frikë se kurrë nuk do mund të të arrij”. ”Nuk ke frikë se mos bie në humnerën e thellë “ i thashë unë. “Jo, më frikë kam të vështroj e të ndiej kundërmimin tënd“ më tha. Ai hodhi një hap përpara, si për të bërë kapërcimin mbi shkëmb. Instinkti i vetëmbrojtjes më thoshte ”s’prapsu e marrë, ç’po bën”. Por zemra më fliste: “vetëm një puthje e para dhe e fundit”. Lufta logjik –zemër ndesheshin si dy qenie për jetë a vdekje. Ai e pa ngurrimin tim, më vështroi me sy, sikur do të më përpinte, ndërsa unë doja të humbisja në horizontin enigmatik të tij. Ai më puthi me një puthje të gjate dhe mua m’u duk sikur shpërtheu portën e turpit e të ndrojtjes dhe u hap bota e përjetimit të kënaqësinë. Ndjeja gjakun të më vërshonte në vena i nxehtë, dhe mushkëritë e mia që po thithnin ajrin e tij. Po te mos ishin hapat e punëtorit tim, nuk e di ku do kishim arritur. U tërhoqa menjëherë dhe bëra sikur po vazhdoja llogarinë, duke qenë se po mbytesha në një baticë ndjenjash. Në njërën anë ndihesha e lumtur dhe shikoja ëndrra me sy hapur, sikur isha me të, dhe nga ana tjetër me vriste ndërgjegjja. Njëzetekatër vjet martese po i hidhja poshtë.

Dy fëmijët e mi djali njëzetedy vjeç dhe vajza njëzetëvjeçe ç’farë do mendonin për mua. Po bashkëshorti im që më kish mbajtur në pëllëmbë të dorës, zonjë mbi zonja, s’i mund t’i vija shkelmin, kur më tepër nuk dija çfarë mendje kishte ky. “Te lutem Lina, mos më bëj moral, mjaft lufte zhvillohet në shpirtin tim. Do të thosha se lufta me armë nuk është asgjë para luftës së shpirtit… – më tha ai pas rezistencës sime… Sot është hera e parë që ai me la takim në një motel, në orën gjashtë… Nuk po u besoja veshëve te mi, as syve. Ajo ishte vërtetë Evelina, shoqja ime e fëmijërisë ?… Ajo kishte qenë nga shoqet më e arsyeshmja, më e logjikshmja, njeriu më shpirt mirë dhe më drejte që kisha njohur. Tani vinte një çast ku brenda hutimit të saj fshihte gjithë zjarrin e madh që i ishte ndezur papritur. Një shpirt ku kishte lulëzuar si në një tokë të thatë, për kaq vjet, dhe mjaftoi një shkreptimë e gënjeshtërt për t’i zgjuar dëshirën të provonte stuhinë që i përkiste një territori të huaj. Vitet e kaluara për të po zbeheshin si gjethet e vjeshtës, duke harruar se edhe ajo po shkelte në të njëjtën stinë. Tani ishte ndërmjet qiellit dhe tokës duke harruar se qielli është për zogjtë me krahë dhe toka për njerëzit që mbështeten fort në të.

– Ç’farë pret shko, Lina! – i thashë me një ton provokues. – Kaq thjeshtë, Lola? – tha ajo me një vështrim dyshues… – Të gjitha tradhtitë, thjesht ndodhin, – i thashë unë qetësisht. – Nuk po me ndalon?…
– E përse të ndaloj, nëse ti merr përsipër pasojat dhe të vë kandarin t’i peshosh, ku është vuajtja dhe dhimbja më e madhe.

Në njërën anë të kandarit vendos së pari fëmijët, bashkëshortin, gjithë punën, ekonominë tënde, në fund opinionin e botës, lakimin e emrit tënd në çdo rasë, dhe në anën tjetër vendos vetëm ndjenjën tënde, të cilën do ta quaj pasion kalimtar, ku do anojë kandari?… Por edhe të luash fshehurazi, as mos e mendo, sepse njëherë do kapesh. Ti tani je bërë dhe si e hutuar, rri gjithë kohën në botën tënde. Mos kujto se nuk ke rënë në sy. Jam e bindur se burri yt të ka pyetur shumë herë dhe diç bluan për ty. Nëse njëzetekatër vjet i shumëzon me zero atëherë shko… Në fb shumë njohje virtuale janë kthyer në njohje reale kanë ndarë shume familje… Pa prit, kur erdha u ndesha më një person pak të shkurtër, ai është? – Po po ai… – O Zot, një xhuxh një metrosh, të paska katandisur në këtë gjendje?!… Po a krahasohet burri yt si azgan me një gjysmë hije si ai… Ti ke pasur momente bosh, të plogështa, dhe ato ngacmimet e vështrimet e vogla të janë kthyer në emoni. Sa gra kanë rënë në këtë grackë ndjenjash… i konsumojnë… dhe më pas jetojnë ne depresion, sepse i dashuri kërkon të zbrazet përherë dhe kur do ai, pa pyetur për familje, burrë, apo fëmijë. Ai pasi të të shtijë në dorë me fjalë të mësuara sa andej këtej, sepse këta gjuetare dine mire se çfarë i pëlqen shpirtit të ndjeshëm të një gruaje naive, do vijë të marri shumë artikuj për dyqanin e tij dhe ti do t’ia japësh me çmimin që i ke marrë vet, ose kur gjen rastin pa para. Ky është përfitimi. Një të dashur për pak qejfe të vjedhura dhe para për aq sa mund të shfrytëzojë… Ai familjen e tij nuk e prish kurrë, të njëjtën gjë do të thotë edhe ty. Besoj i ka bërë shumë mire llogaritë… Mos më thuaj se nuk kishe menduar asgjë nga këto që të thashë, dhe hallakatesh vetëm ne lumin e ndjenjave. Hap sytë Lina!… Evelina më vështronte e tmerruar dhe më foli me shpërthim gjoksi:

– Jo, jo, Lola ime, kur njeriu verbohet nuk mendon logjikisht, por rend drejt ëndrrave pa frymë. Duhej patjetër një zë, që të më zgjonte!…
– Atëherë jepi frymëmarrjen logjike ëndrrave të tua, Lina!… Lotët e saj filluan të rridhnin çurk. Ndoshta tani e zgjonin tërësisht nga amullia e mendimeve. U ndamë duke marre dy rrugë te ndryshme, unë për në shtëpi dhe ajo për në punë.
 

Charles Bukowski, “Gratë”

“Unë isha një vetmitar i natyrshëm, i kënaqur vetëm duke jetuar me një grua, duke ngrënë me të, duke fjetur me të, duke ecur rrugëve me të. Unë nuk doja bisedë, ose të shkoja diku përveç në pistën e vrapimit për kuaj ose në ndeshjet e boksit. Unë nuk kuptoja.

Unë ndjehesha budalla të paguaja para për të parë një shafqje teatri dhe për tu ulur me të tjerët për ti ndarë emocionet sëbashku. Ahengjet ma shpifnin. E urreja luajtjen e lojës, e lojës së ndyrë, flirtmin, amatorët e dehur.”

Charles Bukowski, “Gratë”
 
“Ai nuk është i përkryer. Nuk je as ti dhe as ju të dy nuk do të jeni kurrë të përkryer. Por nëse të paktën njëherë mund të ju bëjë të qesheni, ju bënë të mendoni dy herë, dhe nëse ai e pranon se është njeri dhe bënë gabime, mbahuni pas tij dhe jepini atij sa më shumë që mundeni.

Ai nuk do të ju citoj poezi, nuk do të mendoj për ty çdo minutë, por ai do të ta jap një pjesë të tij të cilën ai e di se ti mund ta thyesh. Mos e lëndo atë, mos e ndrysho atë, dhe mos prit më shumë se sa që ai mund të jap.

Mos analizo. Qesh kur ai të bënë të lumtur, bërtit kur ai të zemëron dhe përmallohu për të kur ai nuk është me ty. Dashuro shumë kur ka dashuri, sepse djemt e përkryer nuk ekzistojnë, por ekziston gjithmonë një djalë që është i përkryer për ty.”

Bob Marley
 
“E vetmja gjë – dhe këtë po u’a them drejtë e nga zemra – që më neverit në Salzburg, është se njeriu nuk mund të ketë marrdhënie të duhura shoqërore më këta njerëz – dhe se muzika këtu nuk ka ndonjë reputacion më të mirë…

Sepse unë ju siguroj se, pa udhëtime, të paktën për njerëzit e artit dhe shkencës, njeriu është krijesë mjerane!… Një njeri më talent mediokër mbetet gjithmonë i tillë, udhëtoi apo ajo – por njeriu me talente superiore, për të cilat unë, pa qenë blasfemues, nuk mund ta mohoj që nuk i kam, bëhet i keq nëse ai gjithmonë qëndron në vendin e njejtë.

Nëse kryepeshkopi do të më besonte, unë shumë do të mund të bëja të famshme muzikën e tij; kjo sigurisht që është e vërtetë.”

Wolfgang Amadeus Mozart
 
“Nëse armiku yt është i sigurt në të gjitha pikat, bëhu gati për të. Nëse ai me forcë është superior ndaj teje, shmange atë. Nëse armiku yt është tekanjoz, kërko ta zemërosh atë. Pretendo që je i dobët, në mënyrë që ai të bëhet arrogant.

Nëse ai po ç’lodhet, mos i jep pushim. Nëse forcat e tij janë të bashkuara, ndaji ato. Nëse sovraniteti dhe subjekti janë në harmoni, vendos divizione mes tyre.

Sulmoje atë aty ku ai është i papërgatitur, shfaqu aty ku nuk të presin.”

Sun Tzu, “Arti i Luftës”
 
Uh! Evropë, ti kurva e motit!
Që i re mohit, besës së Zotit!
Po, a ky asht sheji i qytetnisë?
Me da tokën e Shqypnisë,
Për me mbajt klyshtë e Rusisë?


- Gjergj Fishta
 
Unë isha padyshim shumë naiv për një shoqëri kaq artificiale , ku njerëzit rrojnë për sytë e botës , e i shprehin mendimet e tyre me fraza të stisura ose me fjalë që i dikton moda , kështu që nuk dija si të filloja të flisja kur rrija i heshtur , e as si të heshtja kur isha duke folur.

~ Balzak - Vuajtjet e Dashurisë
 
Closing you eyes isn't going to change anything. Nothing's going to disappear just because you can't see what's going on. In fact , things will even be worse the next time you open your eyes. That's the kind of world we live in. Keep you eyes wide open. Only a coward closes his eyes. Closing your eyes and plugging up your ears won't make time stand still.

Haruki Murakami ~ Kafka On The Shore
 
“... Por dashuria nuk eshte as e padiskutueshme, as e perjetshme dhe dashuria s’ekziston veç mes burrit dhe gruas, mundesisht duke e hiresuar.
Mund te dashurosh nje burre, nje grua, nje peme e madje edhe nje gomar, siç thoshte Shekspiri...”. ??

G. Sapienza
 
“... - He pra, buzeqesh. Kur buzeqesh Ti, me zbukurohet gjithe bota! - i tha Modesta.
(Ku i kish lexuar ato gjepura qe u pelqejne aq shume çupelinave?
Ama, edhe punen e benin...)”. ?

G. Sapienza
 
“...Vendosi duart e tua mbi gjunjtë e mi, - tha ajo, - dhe mendo për mua si për një libër që vdes për ta lexuar...”. ??

M. Faudet
 
“...Asnjëherë mos e këput, diç që s’mund ta zgjidhësh...”.

J. Joubert
 
ღஐღ

E pranoj faktin se ti je femër hyjnore. I bekuar qoftë ai që do të marri ty për dore. I gezuar qoftë ai që do të.dashuroi.
Të uroj, që i dashuri yt të të nderoi, me puthje të të mbuloi, me ledhatime të argëtojë. E zemrën të t'a gëzoi.
Shpirtin tënd t'a lumturoi.
Jeta jote do zbukurohet, pasi këto vargje lexove.
Për ty mikesha ime, ky dedikim

| Henry Cobo |
 
  • Pëlqej
Reactions: Iva
“Në thellësitë e dimrit, unë më në fund mësova se brenda meje gjendet një verë e pamposhtme”. Albert Camus
 
MARTHA RIVERA GARRIDO - MOS U DASHURO

Përktheu Aida Baro

Mos u dashuro pas një gruaje që lexon,
pas një gruaje fort të ndjeshme,
pas një gruaje që shkruan.
Mos u dashuro pas një gruaje të mençur,
magjistricë, të krisur, të marrë.
Mos u dashuro pas një gruaje që mendon,
që e njeh botën,
e zonja për të marrë krahë.
Pas një gruaje besimplotë në vetvete.
Mos u dashuro pas një gruaje që qesh
a qan tek bën dashuri, që di
të shndërrojë shpirtin e saj në mish,
sidomos pas një gruaje që dashuron poezinë
(ato janë më të rrezikshmet),
a pas një gruaje që mund
të rrijë gjysmë ore para një tabloje e s’jeton dot pa muzikë.
Mos u dashuro pas një gruaje energjike, të hareshme,
të kthjellët, rebele, moskokëçarëse.
Mos të qëlloftë të dashurohesh pas një kësi gruaje,
se kur dashurohesh pas një gruaje të tillë,
në qëndroftë apo jo pranë teje,
në të dashtë apo jo,
një grua të tillë, s’e harron dot më.
Kurrë!

Marrë nga BETI NJUMA dhe Biblioteka e Librave të Harruar ?

_M
 
SOKOL OLLDASHI - TË DIELËN

Do të shkoj në varreza të dielën,
Pa dalë dielli ende në ndajnatë.
S’do ta zgjoj, jo, rojen syfjetur,
Qetësisht do mbyll portën prapë.

Do eci i heshtur ndër varre,
Në mes emrash, të shumtën s’i njoh.
Pak vend bosh do të gjej të ngul kryqin
Në dheun nga shirat bërë llohë.

Do të ndez më pas një qiri,
Një cigare me qiri do ta ndez,
Do ta fsheh paketën nën plis
Ta pi ngeshëm, pasi të vdes
E të ik....
 
Njeri i madh!
Me ty ndoshta ky vend do kishte me shume shanse.
 

Postime të reja

Theme customization system

You can customize some areas of the forum theme from this menu.

Choose the color combination according to your taste

Select Day/Night mode

You can use it by choosing the day and night modes that suit your style or needs.

Welcome to the forum 👋, Guest

To access the forum content and all our services, you must register or log in to the forum. Becoming a member of the forum is completely free.