P
Pansophia
Guest
Kërkuesit kanë bërë të mundur mbjelljen e palmave nga farat 2000 vjeçare të gjetura në shkretëtirën e Judée-së në Izrael.
Kjo palmë e quajtur (Phoenix dactylifera) , është një ndër palmat më të vjetra frutore në botë.
Sipas disa studimeve kjo palmë mund të jetë punuar 7000 vjetë më parë në Mesopotaminë e lashtë dhe në gjirin Arab.
Pas pushtimit romak , fruti i dattës së Judéesë i shumëkërkuar për ëmbëlsinë dhe aftësinë shëruese ndaj sëmundjeve u shpërnda në gjithë perandorinë Romake me shpejtësi.
Kultura e palmave frutore vazhdoi kështu përgjatë pushtimit bizantin dhe arab për tu shuar gjatë shekullit të 19 sipas të
dhënave historike.
Por kjo sdo të thoshte që shkenca sdo thoshte fjalën e fundit.Ndërmjet viteve 1963-1991 u zbuluan fara nëpër shpella dhe në një pallat të vjetër ndërtuar nga mbreti Herodi i Madh në shekullin e parë.
Vjetërsia e tyre 2000 vjeçare u provua me analizat radiokarbonike.Kushtet në shkretëtirën e Judée-së si nxehtësia dhe thatësia kanë bërë të mundur ruajtjen e tyre deri më sot.
Në vitin 2005 kërkuesja Sarah Sallon bashkë me qendrën e kërkimit të mjekësisë natyrore Louis Borick mori iniciativën që të rimbillte këto fara të vjetra 1900 vjet duke ja dalë me sukses.
Kohët e fundit ekipi i njëjtë riprovoi mbjelljen e 34 farave duke i futur ato në ujë të pasuruar me hormone që ndihmojnë çeljen e filizave dhe forcimin e rrënjës.Pas kësaj ato u futën në dhe duke u lënë në mbikëqyrje.
Siç e shikoni në fotot e mëposhtme 6 prej tyre mundën të dalin nga toka me sukses.
Ky studim është një mundësi e vetme për të rizbuluar origjinën e një popullate palmash që egzistonin në shkretëtirën e Judée-së 2000 vjetë më parë.
Burimi nga ku u mor shkrimi.
