Në një deklaratë të tyre ata bëjnë fajtore të vetme Rusinë për helmimin e ish-spiunit Sergei Skripal dhe vajzës së tij.
“Ky përdorim i agjentit nervor ushtarak është një sulm ndaj sovranitetit të Mbretërisë së Bashkuar dhe çdo përdorim i tillë është një shkelje e qartë e Konventës për Armët Kimike dhe një shkelje e së drejtës ndërkombëtare”, janë shprehur ata në deklaratën e përbashkët.
Ata thonë se i vetmi shpjegim bindës për aktin e rëndë është se Rusia është përgjegjësja e vetme.
Kujtojmë se kryeministrja britanike vendosi ditën e djeshme të dëbojë 23 agjentë rus, duke e akuzuar Rusinë se fshihej pas vdekjes së Sergei Skripal e vajzës së tij.Rusia, nga ana e saj u shpreh se do të ketë hakmarrje kundër çdo mase të re dhe se Britania e Madhe deri më tani ka ofruar vetëm “akuza të pabaza të cilat nuk mbështeten nga asnjë provë.Një zëdhënës i Vladimir Putinit tha se Rusia “hedh poshtë gjuhën e ultimatumeve”, ndërsa një zëdhënëse e ministrisë së jashtme tha se Britania nuk duhet të përpiqet të kërcënojë Moskën, duke treguar fjalimin e fundit të Putinit në të cilin ai paraqiti një gamë të armëve të reja bërthamore.
Sergei Skripal dhe vajza e tij Yulia u helmuan me një agjent nervor ushtarak pranë një parku. Agjenti nervor ishte spërkatur në buqetën me lule që Sergei Skripal do vendoste te varri i të shoqes.
