Vrasja për një gërvishtje makine... Publikohet fotoja e autorit që mbajti inatin për 5 vite
Autori i vrasjes në Peqin, Leonard Bashliu
Një gërvishtje makine 5 vite më parë shkaktoi një seri debatesh e përplasjesh që sot përfunduan me vrasjen e 44-vjeçarit Ylber Xhahysa.
Viktima ndodhej në këtë bar kafe në fshatin Gjocaj të Peqinit kur u qëllua për vdekje me katër plumba nga Leonard Bashliu 35 vjeç.
Top Channel ka arritur të sigurojë foton e vrasësit të ditës së sotme.
Banorët e zonës janë të tronditur në lidhje me ngjarjen ndërsa i njohin shumë mirë të dy personat.
Megjithatë burimet thonë se pas konfliktit 5 vite më parë mes autorit dhe viktimës ka pasur debate. 35-vjeçari që kreu vrasjen i tha policisë se viktima e kishte qëlluar me grushte dhe ai kishte ruajtur momentin për t’u hakmarrë.
Sipas Bashliut,në deklaratën e dhënë në polici, ai e ka kryer krimin pasi ka qenë në gjendje të rënduar psikologjike, sepse babai i tij është i paralizuar ndërsa vëllai ka një sëmundje te vazhdueshme epileptike. Autori u arrestua në banesën e tij disa minuta pas ngjarjes.
Viktima Ylber Xhahysa
Top Channel
