WhatsApp po përgatit një përditësim të madh, sjell risi në komunikimin me miqtë! Njihuni me ndryshimet
Ndryshimi ka të bëjë me foton e profilit, përdoruesit do të kenë mundës të përdorin avatarë të përsoanlizuar duke përdorur emoji të ndryshëm dhe duke krijuar personazhe të ndryshme vizatimore duke i dhënë kështu një pamje të re profilit.
Foto ilustruese
SHBA- Një nga aplikacionet më të popullarizuara në botë për komunikimin Whats'up po teston një veçori që pritet të jetë mjaft e pëlqyeshme nga përdoruesit. Ndryshimi ka të bëjë me foton e profilit, përdoruesit do të kenë mundës të përdorin avatarë të përsoanlizuar duke përdorur emoji të ndryshëm dhe duke krijuar personazhe të ndryshme vizatimore duke i dhënë kështu një pamje të re profilit.
Këto mund të përdoren si “stickers” në biseda por edhe për të zëvendësuar foton e profilit. Këto mund të përdoren njësoj si në Facebook kështu përdoruesit e Metës nuk do të hasin ndonjë vështirësi. Kjo nuk do të thotë se do të hiqen fotot standarte të profilit por avatarët janë një opsion.
Ndryshimi u bë i ditur në faqen WABetaInfo, e cila publikoi një “screenshot” të sistemit të përditësuar, të cilin testuesit Beta mund ta provojnë aktualisht. Për momentin, nuk dihet se kur WhatsApp do të nisë funksionin e ri, ndaj duhet të presim njoftimin zyrtar.
