Zbulohet një nga diamantët më të mëdhenj në botë, 1.098 karat
Presidenti e prezantoi gurin e çmuar në një ceremoni në kryeqytetin Gaborone
Një diamant që besohet të jetë i treti më i madh i gjetur ndonjëherë është shfaqur në Botsvana.
Guri, me peshë 1,098 karat iu tregua presidentit Mokgweetsi Masisi, dy javë pasi firma e diamantëve, Debswana, e zbuloi atë.
Guri është pak më i rëndë se diamanti i dytë më i madh në botë i cili gjithashtu u gjet në Botsvana në 2015.
Botsvana është prodhuesi më i madh i diamanteve në Afrikë.
“Ky është diamanti më i madh nga Debswana në historinë e saj prej mbi 50 vjetësh në punë”, tha Lynette Armstrong, drejtori i përkohshëm i Debswana Diamond Company.
Debswana është një ndërmarrje e përbashkët midis qeverisë dhe gjigandit global të diamantëve De Beers dhe deri në 80% të të ardhurave nga shitjet shkojnë në arkat e shtetit përmes dividentëve, honorareve dhe taksave.
Diamanti më i madh i zbuluar ndonjëherë ishte diamanti Cullinan prej 3,106 karat i gjetur në Afrikën e Jugut në vitin 1905.
Diamanti është 73 mm i gjatë, 52 mm i gjerë dhe 27 mm i trashë
Top Channel
