A keni menduar ndonjëherë se sa shpesh brenda ditës ju kërkoni falje? Duke filluar që nga koha juaj në punë kur takoheni me një të panjohur, apo kur keni një takim me kolegët dhe shefin tuaj.
Që nga fjalia ‘’Më fal që po të shqetësoj”, kur jeni në ashensor me dikë, e shumë raste të tjera. Nëse marrim një numër të përafërt se sa herë kërkoni falje gjatë ditës atëherë i bie që minimumi 10 apo 15 herë në ditë ju kërkoni falje.
Sipas studimeve në kulturën e sotme koncepti i të qenit i sjellshëm dhe i pasjellshëm është aq i neveritshëëm dhe detyrues ndaj shoqërisë saqë shpesh herë njerëzit kërkojnë falje thjesht sepse duan të shmangin konfliktet e mundshme.
Më poshtë gjeni të renditura katër (4) arsye pse nuk duhet të kërkoni falje edhe aq shpesh.
Nëse kërkoni falje shpesh, i humbet vlera kërkimfaljes së vërtetë
Kërkimfalja mund të jetë një gjë e fuqishme. Ajo mund të mbajë miqësi dhe lidhje dhe shfaqë anën tuaj njerëzore kur përdoret me kujdes dhe në vendin e duhur. Mirëpo, nëse ju kërkoni falje vazhdimisht për gjëra të vogla atëherë kërkimfalja bëhet një shprehi e zhveshur nga sinqeriteti dhe ndjenja e vërtetë.
Kërkimfalja e tepërt, zhvlerësuese ndaj jush si person
Njerëzit e shohin kërkimfaljen si një gjë shumë njerëzore. Ndërsa, ata persona të cilët nuk kërkojnë falje shihen si negativ apo egoistë. Megjithatë, nëse ju thjesht shpërndani kërkimfalje edhe pa qenë e nevojshme një e tillë, atëherë ju krijoni hapësirë që të tjerët të ju shohin si person që nuk kaq mjaftueshëm respekt për veten dhe vetëbesim. Nëse gabimi nuk është i juaji, atëherë as kërkim falja nuk duhet të ju takojë ju, shkruan gazetametro.net.
Kërkimfalja është thjesht ndihmesë, mirëpo ajo nuk është vetë zgjidhja
Përderisa mund të tingëllojë mirë kur dikush kërkon falje dhe mund të ndihmojë që të ulen gjakrat gjatë bisedës, duhet të keni parasysh që në momentin që thuani “Më fal” nuk mund ta vlerësoni se problemi ka përfunduar apo çështja është e mbyllur tashmë, shkruan gazetametro.net. Mos lejoni që kërkimfalja të ju shpërqëndrojë nga problemi i vërtetë.
Përdorimi i shpeshtë i fjalës “Më fal’’ krijon një përshtypje të keqe
Shumë njerëz nuk e kuptojnë se sa e rëndësishme është gjuha që ne e përdorim në jetën e përditshme. Kur një person e shpenzon gjithë ditën duke kërkuar falje-kolegët e tij fillojnë ta shohin atë në atë mënyrë- person i cili ndjen keqardhje për çdo gjë. Poashtu, person i cili ka mungesë vetëbesimi dhe vlerësim bazik të situatave. Duke kërkuar falje pa ndërprerë ju krijoni përshtypjen që vazhdimisht bëni gabime.
