• This site uses cookies. By continuing to use this site, you are agreeing to our use of cookies. Learn more.
  • PËRSHËNDETJE VIZITOR!

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diskutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti. Ju lutem : REGJISTROHUNI që të dërgoni postime dhe mesazhe në Forumin Netedy.com.

Arkeologët thirrje qeverisë Shqiptare të mbroni trashëgiminë e lashtë nënujore.

Seyfert

-
Stafi i forumit
Administrator/e
Mesazhe
2,620
Likes
4,707
Location
Prague
#1
1531232121033.png
Qindra artifakte greko-romake dhe anije të mbytura nga lashtësia që shtrihen gjatë bregut pothuajse të paeksploruar shqiptar janë në rrezik të bien prè e grabitësve apo gjahtarëve të thesareve nëse nuk mbrohen siç duhen, paralajmërojnë kërkuesit dhe arkeologët.

James Goold, kryetar i RPM Nautical Foundation me bazë në Florida, thotë se objektet – që datojnë nga shekulli i tetë para Krishtit deri në Luftën e Dytë Botërore – do të ishin një tërheqje e madhe për turistët nëse do të shfaqeshin në muzè.

RPM ka bërë hartën e shtratit të Jonit nga kufiri me Greqinë deri në Gjirin e Vlorës, duke gjetur të paktën 22 anije të mbytura nga lashtësia deri në L2B dhe qindra amfora të lashta. Enët e gjata të ngushta prej qeramike përdoreshin për mbajtjen e vajit të ullirit dhe verës që transportohej me anije nga Afrika e Veriut në Perandorinë Romake, me Shqipërinë (Ilirinë) si nyje trafiku.

“Ka ardhur koha të ndërtojmë një muzé për turistët shqiptarë e të huaj”, thotë arkeologu Neritan Ceka.

Disa amofra mund të jenë marrë ndërkohë, pamja e tyre si objekte zbukurues të restoranteve përgjatë bregut shqiptar nuk është gjë e rrallë.

Shqipëria po përpiqet të kapitalizojë me trashëgiminë e saj të pasur nënujore, e neglizhuar gjatë nga regjimi komunist, por mbrojtja e saj ende merr fonde shumë të vogla nga qeveria në njërin prej vendeve më të varfra të Evropës.

Mbërritja e anijes kërkimore të RPM, “Hercules”, 11 vjet më parë, ishte një “revolucion i vërtetë”, thotë Ceka, duke lëvduar zhytësit e saj profesionalë, sonarin e teknologjisë së lartë dhe mjetet nënujore të telekomanduara.

Ekspedita e RPM dhe një e përbashkët shqiptaro-italiane janë të vetmet përpjekje shkencore nënujore në Shqipëri deri tani, të dyja me miratimin e qeverisë.

Tani RPM beson se është koha që Instituti i Arkeologjikës Nautike (INA), një organizatë kërkimore jofitimprurëse me bazë në Teksas, të studiojë mundistë e nxjerrjes së anijeve të mbytura, një proces i shtrenjtë financiarisht dhe delikat shkencërisht.

“Mjedisi është special në Shqipëri, sepse bregu ka qenë shumë i mbrojtur për shumë vjet”, thotë David Ruff, ish-komandant i një nëndetëseje me reaktor bërthamor, tani me INA.

Ruff thotë se “një nga perlat e vërteta të Shqipërisë është Butrinti”, një zonë greko-romake e mbrojtur nga UNESCO.

Ai shton se anija kërkimore e INA-s, Virazon II, do të qëndrojë për një muaj në ujërat shqiptare “për të kuptuar bregun e Shqipërisë dhe nëse mund të kryejmë një gërmim në shkallë të madhe atje”.